What is Microsoft PowerPoint ? ಮೈಕ್ರೋಸಾಫ್ಟ್ ಪವರ್‌ಪಾಯಿಂಟ್ ಎಂದರೇನು?

 

ಮೈಕ್ರೋಸಾಫ್ಟ್ ಪವರ್‌ಪಾಯಿಂಟ್: ಪರಿಚಯ ಮತ್ತು ಉಪಯೋಗಗಳು

ಪೀಠಿಕೆ:

ಇಂದಿನ ಡಿಜಿಟಲ್ ಯುಗದಲ್ಲಿ ಮಾಹಿತಿಯನ್ನು ಹಂಚಿಕೊಳ್ಳುವುದು ಒಂದು ಕಲೆಯಾಗಿದೆ. ನಾವು ಹೇಳಬೇಕಾದ ವಿಷಯ ಎಷ್ಟೇ ಸಂಕೀರ್ಣವಾಗಿದ್ದರೂ, ಅದನ್ನು ಸುಲಭವಾಗಿ ಮತ್ತು ಆಕರ್ಷಕವಾಗಿ ಪ್ರಸ್ತುತಪಡಿಸಲು ಇರುವ ಅತ್ಯುತ್ತಮ ಸಾಧನವೆಂದರೆ 'ಮೈಕ್ರೋಸಾಫ್ಟ್ ಪವರ್‌ಪಾಯಿಂಟ್'. ಶಾಲಾ ಪ್ರಾಜೆಕ್ಟ್‌ಗಳಿಂದ ಹಿಡಿದು ದೊಡ್ಡ ಕಂಪನಿಗಳ ವ್ಯವಹಾರದವರೆಗೆ ಎಲ್ಲೆಡೆ ಬಳಕೆಯಾಗುವ ಈ ಸಾಫ್ಟ್‌ವೇರ್ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಇಂದಿನ ಲೇಖನದಲ್ಲಿ ತಿಳಿಯೋಣ.

 ಪವರ್‌ಪಾಯಿಂಟ್ ಎಂದರೇನು? What is PowerPoint ?

ಮೈಕ್ರೋಸಾಫ್ಟ್ ಪವರ್‌ಪಾಯಿಂಟ್ ಎಂಬುದು ಮೈಕ್ರೊಸಾಫ್ಟ ಸಾಫ್ಟವೇರ್‌ ನ ಭಾಗವಾಗಿದೆ. ಇದನ್ನು ಪಠ್ಯ, ಚಿತ್ರಗಳು, ವೀಡಿಯೊ ಮತ್ತು ಅನಿಮೇಷನ್‌ಗಳನ್ನು ಒಳಗೊಂಡ ದೃಶ್ಯ ಪ್ರಸ್ತುತಿಗಳನ್ನು ಅಥವಾ 'ಸ್ಲೈಡ್‌ಶೋ'ಗಳನ್ನು ರಚಿಸಲು ಬಳಸಲಾಗುತ್ತದೆ. ಇದನ್ನು ಮಾಹಿತಿಯನ್ನು ದೃಶ್ಯ ರೂಪದಲ್ಲಿ (Visual Format) ಪ್ರಸ್ತುತಪಡಿಸಲು ಬಳಸಲಾಗುತ್ತದೆ. ಇದು ಪ್ರಪಂಚದಾದ್ಯಂತ ಅತಿ ಹೆಚ್ಚು ಬಳಕೆಯಲ್ಲಿರುವ ಪ್ರೆಸೆಂಟೇಶನ್ ಸಾಫ್ಟ್‌ವೇರ್ ಆಗಿದೆ.

ಸರಳವಾಗಿ ಹೇಳುವುದಾದರೆ, ನೀವು ಹೇಳಬೇಕಾದ ವಿಷಯವನ್ನು ಕೇವಲ ಮಾತು ಅಥವಾ ಪಠ್ಯದಲ್ಲಿ ಹೇಳುವ ಬದಲು, ಅದನ್ನು ಚಿತ್ರಗಳು, ಚಾರ್ಟ್‌ಗಳು, ವೀಡಿಯೊಗಳು ಮತ್ತು ಅನಿಮೇಷನ್‌ಗಳ ಮೂಲಕ ಜನರಿಗೆ ಆಕರ್ಷಕವಾಗಿ ವಿವರಿಸಲು ಇರುವ ಅತ್ಯುತ್ತಮ ಸಾಧನವೇ ಪವರ್‌ಪಾಯಿಂಟ್.

ಪವರ್‌ಪಾಯಿಂಟ್‌ನ ಇತಿಹಾಸ (History of PowerPoint)

i.ಆರಂಭ ಮತ್ತು ಮೂಲ ಹೆಸರು (1984 - 1987):

ಪವರ್‌ಪಾಯಿಂಟ್ ಅನ್ನು ಮೂಲತಃ ಫೋರ್‌ಥಾಟ್ (Forethought, Inc.) ಎಂಬ ಕಂಪನಿಯಲ್ಲಿ ರಾಬರ್ಟ್ ಗ್ಯಾಸ್ಕಿನ್ಸ್ (Robert Gaskins) ಮತ್ತು ಡೆನ್ನಿಸ್ ಆಸ್ಟಿನ್ (Dennis Austin) ಎಂಬುವವರು ಅಭಿವೃದ್ಧಿಪಡಿಸಿದರು. ಆಗ ಇದರ ಹೆಸರು 'ಪ್ರೆಸೆಂಟರ್' (Presenter) ಎಂದಾಗಿತ್ತು.

ii.  ಆಪಲ್ ಮ್ಯಾಕಿಂತೋಷ್‌ನಲ್ಲಿ ಮೊದಲ ಬಿಡುಗಡೆ (1987): 

1987ರಲ್ಲಿ ಇದು ಮೊದಲ ಬಾರಿಗೆ ಆಪಲ್ ಮ್ಯಾಕಿಂತೋಷ್ ಕಂಪ್ಯೂಟರ್‌ಗಳಿಗಾಗಿ ಬಿಡುಗಡೆಯಾಯಿತು. ಆಗ ಇದು ಕೇವಲ ಕಪ್ಪು ಮತ್ತು ಬಿಳಿ (Black & White) ಬಣ್ಣದಲ್ಲಿ ಮಾತ್ರ ಲಭ್ಯವಿತ್ತು.

iii.ಮೈಕ್ರೋಸಾಫ್ಟ್‌: 

ಪವರ್‌ಪಾಯಿಂಟ್‌ನ ಮೊದಲ ಆವೃತ್ತಿ (1.0) ಏಪ್ರಿಲ್ 20, 1987 ರಂದು ಬಿಡುಗಡೆಯಾಯಿತು.

iv.ವಿಂಡೋಸ್ ಮತ್ತು ಬಣ್ಣದ ಆವೃತ್ತಿ (1990): 

1990ರಲ್ಲಿ ಮೈಕ್ರೋಸಾಫ್ಟ್ ವಿಂಡೋಸ್ 3.0 ಬಿಡುಗಡೆಯಾದಾಗ, ಅದರೊಂದಿಗೆ ಪವರ್‌ಪಾಯಿಂಟ್ 2.0 ಆವೃತ್ತಿಯನ್ನು ಪರಿಚಯಿಸಲಾಯಿತು. ಇದು ಬಣ್ಣದ ಸ್ಲೈಡ್‌ಗಳನ್ನು (Color Slides) ಬೆಂಬಲಿಸುವ ಮೂಲಕ ಕ್ರಾಂತಿ ಸೃಷ್ಟಿಸಿತು.

v.1992 (Version 3.0): 

ವರ್ಚುವಲ್ ಸ್ಲೈಡ್‌ಶೋ ಮತ್ತು ವೀಡಿಯೊ ಔಟ್‌ಪುಟ್ ಸೌಲಭ್ಯ ಪರಿಚಯಿಸಲಾಯಿತು.

vi.1995 (Version) : 

                                 

1995 ರ ಆಗಸ್ಟ್ 24 ರಂದು ವಿಂಡೋಸ್ 95 (Windows 95) ಆಪರೇಟಿಂಗ್ ಸಿಸ್ಟಮ್‌ನೊಂದಿಗೆ ಬಿಡುಗಡೆಯಾಯಿತು. ಮೈಕ್ರೋಸಾಫ್ಟ್ ಆಫೀಸ್ ಸೂಟ್‌ನ ಎಲ್ಲಾ ಅಪ್ಲಿಕೇಶನ್‌ಗಳ ಆವೃತ್ತಿ ಸಂಖ್ಯೆಗಳನ್ನು ಹೊಂದಿಸಲು ಇದನ್ನು ನೇರವಾಗಿ 7.0 ಎಂದು ಹೆಸರಿಸಲಾಯಿತು, ಅದಕ್ಕಾಗಿಯೇ 5.0 ಮತ್ತು 6.0 ಆವೃತ್ತಿಗಳು ಬಿಡುಗಡೆಯಾಗಲಿಲ್ಲ.

vii.1997 (PowerPoint 97): 

ಅನಿಮೇಷನ್ ಮತ್ತು ಟ್ರಾನ್ಸಿಶನ್‌ಗಳಂತಹ ಫೀಚರ್‌ಗಳನ್ನು ಸೇರಿಸಿ ಜನಪ್ರಿಯಗೊಳಿಸಲಾಯಿತು. ಇದು ಪ್ರೆಸೆಂಟೇಶನ್‌ಗಳಲ್ಲಿ ಹೆಚ್ಚು ಸಂಕೀರ್ಣವಾದ ಕಾರ್ಯಗಳನ್ನು ನಿರ್ವಹಿಸಲು ಮತ್ತು ತೃತೀಯ ಆ್ಯಪ್‌ಗಳನ್ನು (third-party apps) ಸಂಯೋಜಿಸಲು ಅವಕಾಶ ಮಾಡಿಕೊಟ್ಟಿತು.

viii. 2003: 

ಇದರಲ್ಲಿ ಅನಿಮೇಷನ್ ಮತ್ತು ಗ್ರಾಫಿಕ್ಸ್ ಸುಧಾರಿಸಲಾಯಿತು ಮತ್ತು ಅಂದು ಸಿಡಿ (CD) ಗಳ ಕಾಲವಾಗಿದ್ದರಿಂದ, ಒಂದು ಪ್ರೆಸೆಂಟೇಶನ್ ಅನ್ನು ಅದಕ್ಕೆ ಬಳಸಿದ ವಿಡಿಯೋ, ಆಡಿಯೋ ಫೈಲ್‌ಗಳು ಮತ್ತು 'ಪವರ್‌ಪಾಯಿಂಟ್ ವ್ಯೂವರ್' ಸೇರಿದಂತೆ ಎಲ್ಲವನ್ನೂ ಒಂದೇ ಸಿಡಿಯಲ್ಲಿ ಸುಲಭವಾಗಿ ಕಾಪಿ ಮಾಡುವ ಆಯ್ಕೆ ನೀಡಲಾಯಿತು.

ix.2007: 

ಹೊಸ 'ರಿಬ್ಬನ್' (Ribbon) ಇಂಟರ್ಫೇಸ್ ಮತ್ತು .pptx ಫೈಲ್ ಫಾರ್ಮ್ಯಾಟ್ ಪರಿಚಯಿಸಲಾಯಿತು. ಹೊಸ ಫೈಲ್ ಫಾರ್ಮ್ಯಾಟ್ ಆದ .pptx ಅನ್ನು ಪರಿಚಯಿಸಲಾಯಿತು (ಇದಕ್ಕೂ ಮೊದಲು .ppt ಇತ್ತು).

x.2010 : 

ಕ್ಲೌಡ್ ತಂತ್ರಜ್ಞಾನದ (Office 365) ಮೂಲಕ ಆನ್‌ಲೈನ್‌ನಲ್ಲಿ ಕೆಲಸ ಮಾಡುವ ಮತ್ತು ಏಕಕಾಲದಲ್ಲಿ ಹಲವರು ಎಡಿಟ್ ಮಾಡುವ ಸೌಲಭ್ಯವನ್ನು ನೀಡಲಾಗಿದೆ.

xi.2013 : 

                              
Microsoft PowerPoint 2013 ಅನ್ನು ಜನವರಿ 29, 2013 ರಂದು ವಿಶ್ವಾದ್ಯಂತ ಬಿಡುಗಡೆ ಮಾಡಲಾಯಿತು ಮತ್ತು ಇದು ಮೈಕ್ರೋಸಾಫ್ಟ್‌ನ ವಿಂಡೋಸ್ 8 (Windows 8) ಟಚ್‌ಸ್ಕ್ರೀನ್ (touchscreen) ಇಂಟರ್‌ಫೇಸ್‌ಗೆ ಪೂರಕವಾಗಿ ವಿನ್ಯಾಸಗೊಳಿಸಲಾಗಿತ್ತು. ಥೀಮ್ ವೇರಿಯೆಂಟ್‌ಗಳು (Theme Variants): ಒಂದೇ ಥೀಮ್‌ನೊಳಗೆ ವಿಭಿನ್ನ ಬಣ್ಣದ ಯೋಜನೆಗಳನ್ನು (color schemes) ಸುಲಭವಾಗಿ ಬದಲಾಯಿಸುವ ಆಯ್ಕೆಯನ್ನು ನೀಡಲಾಯಿತು.

xii. 2019 : 

                                

Microsoft PowerPoint 2019 ಅನ್ನು ಸೆಪ್ಟೆಂಬರ್ 24, 2018 ರಂದು ಬಿಡುಗಡೆ ಮಾಡಲಾಯಿತು. 4K ವಿಡಿಯೋ ರಫ್ತು (4K Export): ಇಡೀ ಪ್ರೆಸೆಂಟೇಶನ್ ಅನ್ನು ಉನ್ನತ ಗುಣಮಟ್ಟದ 4K ರೆಸಲ್ಯೂಶನ್ ವಿಡಿಯೋ ಫೈಲ್ ಆಗಿ ರಫ್ತು (export) ಮಾಡುವ ಆಯ್ಕೆಯನ್ನು ಸೇರಿಸಲಾಯಿತು.

xiii. 2024 : 

ಮೈಕ್ರೋಸಾಫ್ಟ್ ಪವರ್‌ಪಾಯಿಂಟ್ 2024 ಅನ್ನು ಅಕ್ಟೋಬರ್ 1, 2024 ರಂದು ಬಿಡುಗಡೆ ಮಾಡಲಾಗಿದೆ. ಸ್ಲೈಡ್ ವಿನ್ಯಾಸಕ್ಕಾಗಿ ಸ್ವಯಂಚಾಲಿತ ಲೇಔಟ್ ಸಲಹೆಗಳನ್ನು ನೀಡುವ 'ಡಿಸೈನರ್' (Designer) ವೈಶಿಷ್ಟ್ಯದಲ್ಲಿ ಕೃತಕ ಬುದ್ಧಿಮತ್ತೆ (AI) ಸುಧಾರಣೆಗಳನ್ನು ಮಾಡಲಾಗಿದೆ.

AI ಬಳಕೆ: ಇತ್ತೀಚಿನ ವರ್ಷಗಳಲ್ಲಿ, 'ಡಿಸೈನರ್' (Designer) ಮತ್ತು 'ಮೈಕ್ರೋಸಾಫ್ಟ್ ಕೊಪೈಲಟ್' (Microsoft Copilot) ಮೂಲಕ ಪ್ರೆಸೆಂಟೇಶನ್‌ಗಳನ್ನು ಸ್ವಯಂಚಾಲಿತವಾಗಿ ವಿನ್ಯಾಸಗೊಳಿಸಲು ಕೃತಕ ಬುದ್ಧಿಮತ್ತೆಯನ್ನು (AI) ಬಳಸಲಾಗುತ್ತಿದೆ.

 

ಪ್ರಮುಖ ವೈಶಿಷ್ಟ್ಯಗಳು (Key Features)

1. ಸ್ಲೈಡ್‌ಗಳು (Slides): ಮಾಹಿತಿಯನ್ನು ಹಂತ-ಹಂತವಾಗಿ ಪ್ರದರ್ಶಿಸಲು ಬಳಸುವ ವೈಯಕ್ತಿಕ ಪುಟಗಳು.

2. ಟೆಂಪ್ಲೇಟ್‌ಗಳು (Templates): ಸುಲಭವಾಗಿ ವೃತ್ತಿಪರ ವಿನ್ಯಾಸಗಳನ್ನು ಮಾಡಲು ಮುಂಚಿತವಾಗಿ ಸಿದ್ಧಪಡಿಸಿದ ವಿನ್ಯಾಸಗಳನ್ನು ಒದಗಿಸುತ್ತದೆ.

3. ಅನಿಮೇಷನ್ ಮತ್ತು ಟ್ರಾನ್ಸಿಶನ್‌ಗಳು (Animation & Transitions): ಸ್ಲೈಡ್‌ಗಳ ನಡುವೆ ಅಥವಾ ವಿಷಯಗಳ ನಡುವೆ ಚಲನೆಯನ್ನು ನೀಡಲು ಇವು ಸಹಾಯ ಮಾಡುತ್ತವೆ.

4. ಮಲ್ಟಿಮೀಡಿಯಾ (Multimedia): ಆಡಿಯೋ, ವೀಡಿಯೋ ಮತ್ತು ಗಿಫ್‌ಗಳನ್ನು ಸೇರಿಸುವ ಮೂಲಕ ಪ್ರಸ್ತುತಿಯನ್ನು(Presentation) ಹೆಚ್ಚು ಆಕರ್ಷಕವಾಗಿಸಬಹುದು.

5. ಡೇಟಾ ದೃಶ್ಯೀಕರಣ: ಅಂಕಿಅಂಶಗಳನ್ನು ಚಾರ್ಟ್‌ಗಳು ಮತ್ತು ಗ್ರಾಫ್‌ಗಳ ರೂಪದಲ್ಲಿ ತೋರಿಸಲು ಪವರ್‌ಪಾಯಿಂಟ್ ಉತ್ತಮ ಸಾಧನ. 

6. AI ಶಕ್ತಿಯೊಂದಿಗೆ ಪ್ರಸ್ತುತಿ (Microsoft Copilot): 2025ರ ಇತ್ತೀಚಿನ ಅಪ್‌ಡೇಟ್‌ಗಳಲ್ಲಿ, ಮೈಕ್ರೋಸಾಫ್ಟ್ ಕಾಪಿಲಟ್ (Copilot) ಬಳಸಿ ವರ್ಡ್ ಡಾಕ್ಯುಮೆಂಟ್ ಅನ್ನು ನೇರವಾಗಿ ಪವರ್‌ಪಾಯಿಂಟ್ ಆಗಿ ಪರಿವರ್ತಿಸಬಹುದು ಮತ್ತು ಕೃತಕ ಬುದ್ಧಿಮತ್ತೆಯ ಮೂಲಕ ಹೊಸ ಸ್ಲೈಡ್‌ಗಳನ್ನು ರಚಿಸಬಹುದು.

7. Zoom Feature: ಸ್ಲೈಡ್ ಶೋ ಸಮಯದಲ್ಲಿ ಯಾವುದೇ ನಿರ್ದಿಷ್ಟ ಭಾಗವನ್ನು ಶೇ. 400 ರಷ್ಟು ಜೂಮ್ ಮಾಡಿ ತೋರಿಸಬಹುದು, ಇದು ಪ್ರೇಕ್ಷಕರಿಗೆ ವಿವರಗಳನ್ನು ಅರ್ಥಮಾಡಿಕೊಳ್ಳಲು ಸುಲಭವಾಗುವಂತೆ ಮಾಡುತ್ತದೆ.

8. 3D ಮಾಡೆಲ್‌ಗಳು: ಪ್ರಸ್ತುತಿಗೆ ಜೀವಂತಿಕೆ ನೀಡಲು 3D ಚಿತ್ರಗಳು ಮತ್ತು ಗ್ರಾಫಿಕ್ಸ್ ಅನ್ನು ಅನಿಮೇಷನ್‌ನೊಂದಿಗೆ ಬಳಸಿಕೊಳ್ಳಬಹುದು.

9. ಸ್ಕ್ರೀನ್ ರೆಕಾರ್ಡಿಂಗ್: ಪವರ್‌ಪಾಯಿಂಟ್‌ನಲ್ಲಿಯೇ ನಿಮ್ಮ ಸ್ಕ್ರೀನ್ ಚಟುವಟಿಕೆಯನ್ನು ರೆಕಾರ್ಡ್ ಮಾಡಿ ಸ್ಲೈಡ್‌ಗಳಿಗೆ ಸೇರಿಸುವ ಆಯ್ಕೆಯು ಇದರಲ್ಲಿಇರುವುದರಿಂದ ನೀವು ಇದನ್ನು ಉಪಯೋಗಿಸಬಹುದು.

ಉಪಯೋಗಗಳು (Uses)

1.  ಶಿಕ್ಷಣ ಮತ್ತು ಬೋಧನೆ (Education & Teaching):
ಕೇವಲ ಪುಸ್ತಕದ ಪಾಠಗಳಿಗಿಂತ, ಚಿತ್ರ ಮತ್ತು ವೀಡಿಯೊಗಳ ಮೂಲಕ ಪಾಠ ಮಾಡುವುದು ವಿದ್ಯಾರ್ಥಿಗಳಿಗೆ ಬೇಗ ಅರ್ಥವಾಗುತ್ತದೆ. ಶಿಕ್ಷಕರು ಸಂಕೀರ್ಣವಾದ ವಿಜ್ಞಾನದ ಪ್ರಯೋಗಗಳನ್ನು ಅಥವಾ ಇತಿಹಾಸದ ಘಟನೆಗಳನ್ನು ಸ್ಲೈಡ್‌ಗಳ ಮೂಲಕ ಸುಲಭವಾಗಿ ವಿವರಿಸಬಹುದು.

2.  ವ್ಯಾಪಾರ ಮತ್ತು ಕಾರ್ಪೊರೇಟ್: ಕಂಪನಿಗಳಲ್ಲಿ ಹೊಸ ಐಡಿಯಾ, ವರದಿ ಅಥವಾ ಮಾರ್ಕೆಟಿಂಗ್ ಪ್ಲಾನ್ ಹಂಚಿಕೊಳ್ಳಲು ಬಳಸಲಾಗುತ್ತದೆ.

ಹೊಸ ಉತ್ಪನ್ನಗಳನ್ನು (Products) ಮಾರುಕಟ್ಟೆಗೆ ಪರಿಚಯಿಸಲು ಪವರ್‌ಪಾಯಿಂಟ್ ಅತ್ಯಗತ್ಯ. ಕಂಪನಿಯ ಲಾಭ-ನಷ್ಟದ ವರದಿಗಳು, ಭವಿಷ್ಯದ ಯೋಜನೆಗಳು ಮತ್ತು ಗ್ರಾಹಕರಿಗೆ ನೀಡುವ ಆಫರ್‌ಗಳನ್ನು ಚಾರ್ಟ್‌ಗಳ ಮೂಲಕ ಪ್ರಸ್ತುತಪಡಿಸಲು ಇದು ನೆರವಾಗುತ್ತದೆ

3.  ಸಂವಹನದ ಕಲೆ: ಇಂದು ಪವರ್‌ಪಾಯಿಂಟ್ ಕೇವಲ ಸಾಫ್ಟ್‌ವೇರ್ ಆಗಿ ಉಳಿದಿಲ್ಲ; ಅದೊಂದು ಸಂವಹನ ಕಲೆಯಾಗಿದೆ. ಕಠಿಣವಾದ ಅಂಕಿಅಂಶಗಳನ್ನು ಅಥವಾ ಸಂಕೀರ್ಣವಾದ ವಿಷಯಗಳನ್ನು ಸುಲಭವಾಗಿ ಮನವರಿಕೆ ಮಾಡಿಕೊಡಲು ಇದು ಅನಿವಾರ್ಯವಾಗಿದೆ.

4.  ತರಬೇತಿ ಮತ್ತು ಮಾರ್ಗದರ್ಶನ (Training & Tutorials):
ಹೊಸ ಉದ್ಯೋಗಿಗಳಿಗೆ ಕೆಲಸದ ಬಗ್ಗೆ ತರಬೇತಿ ನೀಡಲು ಅಥವಾ ಹೊಸ ಸಾಫ್ಟ್‌ವೇರ್ ಹೇಗೆ ಬಳಸಬೇಕು ಎಂದು ತೋರಿಸಲು ಸ್ಕ್ರೀನ್ ರೆಕಾರ್ಡಿಂಗ್ ಮತ್ತು ಸ್ಲೈಡ್‌ಗಳ ಸಂಯೋಜನೆ ಬಹಳ ಉಪಯುಕ್ತ.

5.  ಸಂಶೋಧನಾ ವರದಿಗಳು (Research Presentations):
ವಿಜ್ಞಾನಿಗಳು ಮತ್ತು ಸಂಶೋಧಕರು ತಮ್ಮ ದತ್ತಾಂಶ (Data) ಮತ್ತು ಪ್ರಯೋಗಗಳ ಫಲಿತಾಂಶವನ್ನು ಜಗತ್ತಿಗೆ ವಿವರಿಸಲು ಪವರ್‌ಪಾಯಿಂಟ್‌ನ ಟೇಬಲ್‌ಗಳು ಮತ್ತು ಗ್ರಾಫ್‌ಗಳನ್ನು ಬಳಸುತ್ತಾರೆ.

ಕೆಲಸವನ್ನು ಸುಲಭಗೊಳಿಸುವ ಶಾರ್ಟ್‌ಕಟ್ ಕೀಗಳು (Shortcuts)

ವೇಗವಾಗಿ ಕೆಲಸ ಮಾಡಲು ಇವುಗಳನ್ನು ಬಳಸಬಹುದು:

i.Ctrl + M: ಹೊಸ ಸ್ಲೈಡ್ ಸೇರಿಸಲು.

ii.Ctrl + D: ಆಯ್ದ ಸ್ಲೈಡ್ ಅಥವಾ ವಸ್ತುವಿನ ನಕಲು (Duplicate) ಮಾಡಲು.

iii.F5: ಮೊದಲ ಸ್ಲೈಡ್‌ನಿಂದ ಪ್ರಸ್ತುತಿಯನ್ನು ಪ್ರಾರಂಭಿಸಲು.

iv.Shift + F5: ಪ್ರಸ್ತುತ ಇರುವ ಸ್ಲೈಡ್‌ನಿಂದ ಪ್ರಸ್ತುತಿಯನ್ನು ಶುರು ಮಾಡಲು.

v.Alt + Shift + Up/Down Arrow: ಪಟ್ಟಿಯಲ್ಲಿರುವ ಅಂಶಗಳ ಕ್ರಮವನ್ನು ಬದಲಾಯಿಸಲು.

ಉಪಸಂಹಾರ:

ಒಟ್ಟಾರೆಯಾಗಿ, ಪವರ್‌ಪಾಯಿಂಟ್‌ನಲ್ಲಿನ ಹೊಸ ಫೀಚರ್‌ಗಳು ಮತ್ತು ಸ್ಮಾರ್ಟ್ ವಿನ್ಯಾಸಗಳನ್ನು ಬಳಸಿಕೊಳ್ಳುವ ಮೂಲಕ ನೀವು ವೃತ್ತಿಪರ ಪ್ರೆಸೆಂಟೇಶನ್‌ಗಳನ್ನು ಸಿದ್ಧಪಡಿಸಬಹುದು. ನೆನಪಿಡಿ, ಸ್ಲೈಡ್‌ಗಳಲ್ಲಿ ಮಾಹಿತಿ ಕಡಿಮೆ ಇದ್ದಷ್ಟೂ ಪ್ರೇಕ್ಷಕರ ಗಮನ ನಿಮ್ಮ ಮಾತಿನ ಕಡೆಗೆ ಹೆಚ್ಚಿರುತ್ತದೆ. ಈ ಮಾಹಿತಿ ನಿಮಗೆ ಇಷ್ಟವಾದಲ್ಲಿ ನಿಮ್ಮ ಸ್ನೇಹಿತರೊಂದಿಗೆ ಹಂಚಿಕೊಳ್ಳಿ ಮತ್ತು ನಿಮ್ಮ ಅನಿಸಿಕೆಗಳನ್ನು ಕಮೆಂಟ್ ಮೂಲಕ ತಿಳಿಸಿ.

ಹೆಚ್ಚಿನ ಮಾಹಿತಿಗಾಗಿ ನನ್ನ YouTube Channels ನೋಡಿ :

Video 1: 

Video 2 :

PowerPoint ಸಂಪೂರ್ಣ PowerPoint PDF Notes : Click Here